Turen startar ved «Demma» i Dale, som ligg 10 minuttars biltur frå Haugland. Frå Demma går ein på skogsveg til Torset, deretter vidare på sti  til Grøneholten, som ligg ca. 400moh. Jamn stigning heile vegen.

Frå Grøneholten kan ein gå rundløype vidare i flatare og kupert sti til Østenstad, deretter jamt nedover på skogsveg og sti til Dalsåsen. Frå Dalsåsen går ein på asfalt tilbake til parkeringsplassen ved Demma. Dette er ein fin tur, og frå Grøneholten får ein i fint vêr flott utsikt utover Dalsfjorden.