Leige av basseng

Det er mogleg å leige basseng på Haugland. Ein disponerer då bassenget åleine i oppsett leigetid.

Instruks for leige av basseng:

Alle som leiger basseng må ha med ein ansvarleg person over 20 år som har godkjent livredningsprøve. Denne personen skal vere til stades i basseng/bassengområde under heile økta og ha oppsyn med gruppa, og har ansvar for at gjennomføringa av aktiviteten er forsvarleg.
Kopi av bevis for oppdatert livredningsprøve skal framvisast.
Det er krav om at det skal vere minimum to symjedyktige over 18 år til stades i bassenget.
Ved store grupper (t.d. skuleklassar), må ein vere fleire vaksne i bassenget.
Anbefalt tal personar er inntil 40 pers./time i det store bassenget og inntil 20 pers./time i terapibassenget.
Leigetakar har tilgang til garderobar 15 min før og etter bassengtida. Ein må ta høgde for å dele garderobe med andre.

Sjå retningslinjer for hygiene.

Pris er pr. time (60 min) i bassenget . Det er halv pris pr. påbegynte halvtime, og full pris etter 30 min.

Har ein ynskje om å leige badevakt frå senteret, må ein ta kontakt i god tid på førehand.

For meir informasjon, ta kontakt med oss på tlf. 57 73 71 00.