Om stillinga
Vi har ledig ei 100 % stilling i vikariat som sosionom.
Oppstart er snarast og vikariatet varer til 31.12 24, med moglegheit for forlenging.
Røde Kors Haugland Rehabiliteringssenter er ein spesialisert institusjon innan fysikalsk medisin og rehabilitering. Hos oss verdset vi respekt, likeverd og vi har ei tydeleg ressursfokusert tilnærming til våre pasientar.
Senteret har blant anna tilbod om arbeidsretta behandling der målet er å bistå pasientane til å delta i arbeidslivet. Som sosionom hos oss speler du ei viktig rolle i dette arbeidet, med samtalar, undervisning og rettleiing av pasientar som viktige oppgåver.
Sosionomen arbeider tett saman med tverrfagleg team for å kartlegge og følgje opp pasientane. Du følgjer opp enkelte pasientar individuelt og har undervisning for grupper. Kontakt og samarbeid med NAV og arbeidsgjevarar er ein viktig del av arbeidet.
Arbeidsoppgåver:
- Delta i tverrfagleg samhandling med pasientar.
- Bistå med kartlegging og vurdere psykososiale faktorar som har betydning for helse, livskvalitet og arbeidsevne.
- Følgje opp pasientar individuelt, og evt. bistå i deira samhandling med relevante samarbeidspartar.
- Gjennomføre undervisning/samtalegrupper om relevante tema.
Kvalifikasjonar:
- Treårig sosialfagleg utdanning på høgskule/universitetsnivå. Primært sosionom men også andre kan søke.
- Kunnskap om og interesse for arbeidsmarknaden og velferdsordningar.
- God kommunikasjonsevne og gjerne erfaring frå undervisning.
- God munnleg og skriftleg framstillingsevne (norsk).
- Relevant erfaring kan kompensere for manglande utdanning.
Personlege eigenskapar
- Vere ressursorientert og ha tru på at alle kan delta i eit arbeidsliv til tross for helseplager.
- Vere imøtekomande og løysingsorientert i møtet med pasientar, kollegaer og samarbeidspartar.
- Du bør ha evne til å arbeide sjølvstendig, vere systematisk og ha gode samarbeidsevner.
Det er krav om framlegging av politiattest forut for tiltreding i stillinga jfr. Helsepersonelloven § 20a.
Vi tilbyr:
- Ein kunnskapsrik organisasjon med engasjerte og utviklingsorienterte medarbeidarar
- Varierte arbeidsoppgåver
- Gode lønns- og arbeidsvilkår
- Senteret er stengt jul/nyttår
- Gode velferd- pensjon- og forsikringsordningar
- Hjelp med bustad
Røde Kors Haugland Rehabiliteringssenter er ein spesialistinstitusjon innan fysikalsk medisin og rehabilitering. Senteret gir tilbod om rehabilitering for pasientar med behov for ei tverrfagleg og heilskapleg tilnærming i spesialisthelsetenesta.
Vi har driftsavtale med Helse Vest RHF om døgnrehabilitering. Vi tilbyr fysikalsk rehabilitering ved kreftsjukdom, nevrologiske lidingar, muskel-/ skjelettlidingar, hovudskade, hjerneslag, tinnitus/ Menières sjukdom, samt livsstilsendring ved sjukleg overvekt. Senteret har og tilbod om arbeidsretta rehabilitering for personar der tilbakeføring til arbeid/utdanning er ei målsetting.
Vi held til i Flekke i Fjaler, om lag 15 mil nord for Bergen.
Søknadsfrist:
8. april 2024
Oppstart: Snarast
Søknad merkast: Sosionom
Kontaktperson: Thor Grane, personalleiar
Telefon: 577 37 107
Søknad med CV, attestar og vitnemål sendast til: ledigstilling@rkhr.no
Vi er Miljøfyrtårn
