Sjeldne beinsjukdommar

Name: Gruppeopphald: Sjeldne beinsjukdommar
Start: 2026-08-19T00:00:00+02:00
End: 2026-09-02T23:59:59+02:00
Location: Røde Kors Haugland Rehabiliteringssenter

Tilbodet er for deg med ein medfødd sjeldan beinsjukdom. Vi tilbyr gruppeopphald for vaksne personar der hovudfokuset er å leve med diagnosen som vaksen og ha eit aktivt liv.

Instruktør på land og badende i basseng — *Foto: Solfure Foto*

Ofte stilte spørsmål

Fasilitetar og aktivitet

Fritid

Vi tilbyr tre vekers døgnopphald for deg med ein sjeldan beinsjukdom, t.d. Osteogenesis Imperfecta (OI), Multiple Osteochondromer (MO) og Sticklers syndrom.

Som deltakar på eit på gruppeopphald får du møte andre i same situasjon, på same tid som du får fagleg oppfølging av tverrfagleg stab ved rehabiliteringssenteret.

Målet er å oppretthalde eller betre funksjonsnivå, og lære meistringsstrategiar i forhold til dosering av aktivitet, sosial deltaking og/ eller arbeidsdeltaking. Vi ynskjer og at du skal få positive opplevingar knytt til å bruke eigen kropp aktivt.

Dette får du hos oss:

Oppfølging av tverrfagleg team
Individuell kartlegging og rettleiing
Undervisning og gruppesamtalar
Tilpassa fysisk aktivitet ute og inne
Moglegheit for utprøving av einskilde aktivitetshjelpemiddel

Det er eit mål at prosessen du startar på under opphaldet skal kunne vidareførast lokalt når du kjem heim. Om du ynskjer det, kan vi bidra med søknader i høve heimesituasjonen og arrangere samarbeidsmøte med aktuelle instansar.

Vi ber om at behov for hjelpemiddel vert skildra i søknad, samt ditt behov for bistand til praktiske gjeremål. Ved å ha god og tidleg informasjon om dette kan vi betre førebu den tilrettelegginga du har behov for under oppphaldet.

Kvifor velgje oss?

Røde Kors Haugland Rehabiliteringssenter har sidan 2016 hatt tilbod om gruppebaserte opphald for vaksne med sjeldne beinsjukdommar. Tilbodet er utvikla i samarbeid med Sjeldensenteret, eining Sunnaas.

Senteret har flotte fasilitetar ute og inne. Vi er i kontinuerleg utvikling og gjer stadige grep for å vere best mogleg universelt tilrettelagt. Vi har til dømes fleire pasientrom med hev- og senkfunksjon på vask/ toalett og vi har gradert djupne i bassenga våre.