Prosjektet har som hovudmål å utvikle ei ny digital løysing for modulbasert rehabilitering, integrert i journalsystemet Ad Curis. Løysinga skal strukturere rehabiliteringsforløp i fleksible digitale modular som blir aktiverte automatisk basert på tid, hendingar og pasientstatus.
Ho skal òg samle inn og visualisere data om aktivitet og framgang gjennom heile behandlingsforløpet. Dette vil gi behandlarane betre oversikt og gjere det mogleg å følgje opp fleire pasientar på ein effektiv måte. Samstundes får pasientane høve til større deltaking og betre støtte gjennom rehabiliteringa.
Prosjektet er eit samarbeid mellom journalleverandøren Carasent Norge og fire private rehabiliteringsinstitusjonar: Røde Kors Haugland Rehabiliteringssenter, Sørlandets Rehabiliteringssenter Eiken, Vikersund Bad Rehabiliteringssenter og Meråker Kurbad.