Vi har gruppeopphald til kvinner som har eller har hatt brystkreft.
Etter at kreftbehandlinga er over, dukkar det ofte opp nye spørsmål: Korleis er det å leve med ein kropp som har gjennomgått kreftbehandling? Kva er hensiktsmessig no, og korleis bør du legge opp kvardagen?
Her får du treffe andre kvinner som veit kva du snakkar om, samtidig som du får fagleg rettleiing og oppfølging.
Målet med gruppa er å hjelpe deg til å komme tilbake til eit aktivt liv med fysisk, sosial og eventuelt arbeidsmessig deltaking. Du vil bli fulgt opp av eit dyktig tverrfagleg team som fokuserer på både fysisk og psykisk helse.
Vi legg vekt på å lære meistringsstrategiar gjennom tilpassa fysisk aktivitet, undervisning og samtaler basert på kognitiv og metakognitiv terapi.