Spesialist i fysikalsk medisin og rehabilitering
Bli del av eit sterkt fagmiljø midt i vakker vestlandsnatur!
Vil du bruke kompetansen din til å skape varig endring i menneske sine liv – og samstundes jobbe i eit fagmiljø med høg kvalitet, heilskapleg tilnærming og naturen rett utanfor døra?
Røde Kors Haugland Rehabiliteringssenter søkjer ein engasjert spesialist i fysikalsk medisin og rehabilitering til 100 % fast stilling. Hos oss møter du eit miljø som ser mennesket bak diagnosen, og som har meistring, ressursar og tverrfagleg samarbeid som grunnpilarar.
Søknadsfrist: 15.01.2026
Oppstart: 01.05.2026 eller etter avtale
Søknad merkast: Legespesialist
Kontaktperson: Klinikkleiar Marte Ulltang, tlf. 995 07 591
Søknad med CV, attestar og vitnemål sendast til: ledigstilling@rkhr.no
Kvifor velgje oss?
Eit fagmiljø med ressursfokus
Vi er overtydde om at alle pasientar har ressursar som kan byggjast vidare på. Du blir ein sentral fagperson i eit miljø med høg kompetanse innan fysikalsk medisin med fokus på tilpassa fysisk aktivitet, endringsprosessar og livsmeistring.
Sterkt tverrfagleg samarbeid
Du samarbeider tett med andre legespesialistar, sjukepleiarar, fysioterapeutar, ergoterapeutar, sosionomar, klinisk ernæringsfysiolog, idrettspedagogar, logoped og miljøterapeutar. Saman skaper de målretta og heilskaplege pasientforløp.
Gode moglegheiter for fagleg utvikling
Vi har etablert samarbeid med både Førde sentralsjukehus og AFMR ved Helse Bergen. Våre legar deltek jamleg på internundervisning med andre eksterne fagmiljø, og vi har ei eiga forskingsavdeling med moglegheit for prosjektarbeid. Du får gode mogegheiter for kurs, vidareutdanning og hospitering.
Arbeidstid som gir rom for livet
Hos oss får du ei familievennleg arbeidstid (08.00–15.30) utan vakt- og helgeordning, utan at det går på kostnad av det faglege innhaldet i jobben.
Arbeidsoppgåver
- Klinisk arbeid i eit tverrfagleg rehabiliteringsteam
- Medisinske vurderingar, oppfølging og journalføring
- Undervisning og rettleiing internt
- Bidrag til fagutvikling og moglegheit for forskingsaktivitet
- Deltaking i innandørs og utandørs aktivitetar saman med pasientar
Kvalifikasjonar
- Godkjent spesialist i fysikalsk medisin og rehabilitering
- Erfaring frå tverrfagleg arbeid
- Erfaring med eller interesse for arbeidsretta rehabilitering, kreftrehabilitering eller nevrologisk rehabilitering er eit pluss
- Norskferdigheiter på minimum C1
- Gode digitale ferdigheiter
Det vil bli stilt krav om framlegging av politiattest forut for tiltreding i stillinga jfr. Helsepersonelloven § 20a.
Personlege eigenskapar
- Evne til å arbeide sjølvstendig og i team
- Samarbeidsorientert og fagleg engasjert
- Motiverande og ressursorientert tilnærming
Vi tilbyr
- Familievennleg arbeidstid utan vaktordning og helgearbeid
- Sterkt fagmiljø og solid internundervisning
- Kurs, vidareutdanning, hospitering og forskingsmoglegheiter
- Gode lønns- og pensjonsvilkår
- Hjelp til bustad og gode velferdsordningar
- Ein meiningsfull jobb i naturskjønne omgjevnader med gode moglegheiter for friluftsliv