Sticklers syndrom

Vi tilbyr gruppeopphald vaksne personar med Sticklers syndrom. Tilbodet er utvikla i samarbeid med TRS kompetanseteneste, Sunnaas Sjukehus.  Hovudfokuset i rehabiliteringa er å leve med Sticklers som vaksen og ha eit aktivt liv. 

Målet med kurset er: 

• Å oppretthalde/ betre funksjonsnivå 
• Lære meistringsstrategiar i forhold til dosering av aktivitet og sosial og/eller arbeidsdeltaking 
• Gi den enkelte positive opplevingar knytt til det å bruke eigen kropp aktivt 

 Under opphaldet vil du få tilbod om undervisning og gruppesamtaler, individuell kartlegging/rettleiing, fysisk aktivitet i gruppe og læring gjennom samvær med andre i liknande situasjon. På senteret er det moglegheit for individuelt tilrettelagt trening i sal, gruppetrening i gymsal, trening i terapi- og symjebasseng, styrketrening, kondisjonstrening, turar og naturopplevingar.

Vi legg stor vekt på å bruke det flotte uteområdet og nyttar blant anna fjorden til båtturar, kajakk eller kanopadling. Det er òg moglegheit for utprøving av aktivitetshjelpemiddel. Du vil få oppfølging av tverrfagleg team, og utnemnt ein primærkontakt.  

Det er mogleg å få praktisk hjelp, beskriv behovet ditt for praktisk hjelp i søknaden. 

Det er eit mål at den prosessen du startar på under opphaldet hjå oss skal vidareførast lokalt når du kjem heim. Dersom du som pasient ynskjer det kan vi bidra med søknader i høve heimesitusjonen (t.d. heimesjukepleie, Individuell Plan eller koordinator), samt å arrangere samarbeidsmøter med aktuelle instansar. 

Informasjon om betaling for opphaldet finn du her. 

Ytelse jmf. avtale Helse Vest: Samansette og/eller komplekse lidingar

Hjelpemiddel og bistand: Vi ber om at behov for hjelpemiddel vert skildra i søknad, samt ditt behov for bistand til praktiske gjeremål. Ved å ha god og tidleg informasjon om dette kan vi betre førebu den tilrettelegginga du har behov for under oppphaldet.  

Transport: Les meir om transport og vegen hit