Kvinnekreft

Vi tilbyr tre vekers døgnopphald for kvinner som har gjennomgått behandling for ulike former for kvinnekreft. Opphaldet er gruppebasert med opptil åtte deltakarar, og inngår i ei større pasientgruppe på 18–20 personar.

Vårt mål er å gi deg tryggleik, støtte og nye verktøy som kan hjelpe deg å finne din plass i kvardagen igjen.

Dette får du hos oss

Hos oss får du intensiv oppfølging av eit tverrfagleg team med brei erfaring innan kreftrehabilitering. Tilbodet er heilskapleg og forskingsbasert, og har fokus på fysisk og psykisk helse, meistring, fellesskap og livskvalitet. Her møter du andre kvinner i same situasjon, samtidig som du får tverrfagleg oppfølging og støtte på vegen vidare.

Gruppetilbodet for kvinnekreft inkluderer mellom anna:

• Samtalegruppe og erfaringsutveksling
• Undervisning om aktuelle tema:
  • Fysisk aktivitet og seineffektar
  • Aktivitetsregulering
  • Kosthald og kreft
  • Kreft og seksualitet
  • Kognitiv og metakognitiv terapi
  • Tilbake i arbeid
• Tilpassa fysisk aktivitet og individuell treningsrettleiing ved behov
• Gruppetrening med styrke, kondisjon, rørsle og avspenning
• Bassengtrening
• Meistring- og friluftsaktivitetar 
• Fritidsaktivitetar
  

Kvifor velgje oss?

Vi har sidan oppstarten i 1992 hatt tilbod om rehabilitering etter kreftsjukdom. Allereie i 1998 starta vi å forske på rehabilitering for brystkreftopererte kvinner, og har i tida etter vidareutvikla tilbodet til å omfatte ulike kreftdiagnosar.

Vi veit at det tek tid å finne tilbake til kvardagen etter behandling, og at strukturert støtte i trygge omgjevnader er ei viktig investering i framtida. Hos oss møter du erfarne fagfolk og andre kvinner som forstår kva du har vore gjennom.