Nede ved fjorden ligg Snikkarbua, med rom for handverk, måling og andre hobbyaktivitetar. Du får kjøpt målingsutstyr i resepsjonen, eller du kan ta med eige utstyr. Du får og kjøpt treprodukt til måling, pakkar til nålefilting og litt garn.
Snikkarbua og hobbyrom er ope for eigenaktivitet med m.a. tre, lær og ull. Det er introduksjon ved miljøarbeidar i starten av opphaldet. Sjå elles eigne oppslag.
Hobbyrommet ligg i gangen bak resepsjonen og er tilrettelagt for ulike typer kreativ aktivitet. Rommet er primært for dei som ikkje kjem seg så lett ned i Snikkarbua, men alle kan bruke det om det er plass.
