Raskare tilbake

Senteret gjev tilbod om arbeidsretta rehabilitering gjennom “Raskare tilbake”-avtale med Helse Vest. Formålet med tilbodet er at sjukmeldte skal kunne få eit behandlingstilbod som vil bidra til at dei så raskt som mogeleg kjem tilbake i arbeid. Tilbodet er for personar som har behov for rehabiliteringstenester på spesialistnivå.

Målgruppe:
Målgruppa er personar i yrkesaktiv alder som av ulike medisinske årsaker er sjukmeldt eller står i fare for å bli sjukmeldt. Vi rettar oss særleg mot personar med muskel-/ skjelettlidingar og/eller samansette plager. 

Tilvising:
Fastlegar og andre som kan tilvise til behandling i spesialisthelsetenesta, kan søkje.
Søknadsskjema finn du på: www.helse-vest.no. Søknaden skal merkast ”Raskare tilbake”. Søknadar på Raskare tilbake-ordninga vert høgt prioritert og har ei ventetid på inntil to månadar.

Vårt tilbod:
Arbeidsretta rehabilitering er tverrfaglig spesialisert rehabilitering med fokus på tilpassa fysisk aktivitet, kognitive endringsprosessar og prosessar retta mot tilbakeføring i arbeidslivet. Bevisstgjering av ressursar og betring av funksjon har hovudfokus.

Senteret tilbyr ei tverrfagleg kartlegging av funksjons- og arbeidsevne. Det faglege innhaldet tek utgangspunkt i metodar som styrkjer pasienten sine eigne ressursar og moglegheiter, samt fremjar jobb og livsmeistring. Vi tilbyr 3 vekers opphald ved senteret. Pasienten betalar eigendel kr. 123,- per døgn, som inngår i ordninga med frikort for eigenandelstak 2.

Tiltak:
Utredning/ kartlegging:

- Undersøking
- Testing
- BAI /BDI

Individuelt tilpassa fysisk aktivitet

Opplæring/ rettleiing/ rådgjeving

Undervisning i følgjande tema: 

- Innføring i Kognitiv Terapi
- Smerte
- Endring
- Treningslære
- Arbeid og trygd
- Kost og ernæring

Epikrise vert sendt til tilvisande instans etter avslutta opphald.

For meir informasjon om “Raskare tilbake”-ordninga gjennom Helse Vest, sjå  www.helse-vest.no/sw21649.asp