Rehabilitering

Senteret gjev tilbod om rehabilitering av pasientar med behov for ei tverrfagleg tilnærming i spesialisthelsetenesta.

Den tverrfaglege staben består av lege med spesialitet i fysikalsk medisin og rehabilitering, sjukepleiarar, fysioterapeutar, idrettspedagogar, ergoterapeutar, attføringskonsulent og klinisk ernæringsfysiolog.

Overordna mål er å bidra til å auke en pasient sin livskvalitet. I dette ligg auka deltaking sosialt og arbeidsmessig, redusert risiko for livsstilsbetinga lidingar, auke av fysisk og psykisk funksjonsevne.

For å nå målsetjing, nyttar vi undervisning, gruppesamtalar og individuelt tilpassa fysisk aktivitet enkeltvis og i grupper. Vi vil fremje mangfald, motivasjon og meistring. Vi legg vekt på ei kognitiv tilnærming i dei ulike delane av rehabiliteringstilbodet.

Rehabilitering er ein samhandlingsprosess der pasienten står i sentrum. Vi legg vekt på den enkelte sin vilje og ønske om å betre eigen livssituasjon. Som helsepersonell kan vi tilby fagkompetanse, rettleiing og nyttige råd som supplement til pasienten sin eigen kunnskap og motivasjon.

Vi fokuserer på eigeninnsats i trening og øvrige aktivitetar. Med rettleiing og støtte frå staben på senteret, er målet å finne løysingar for den enkelte.

Søknadsskjema finn du på:

www.helse-vest.no/fagfolk/henvisningsrutiner/Documents/Tilvisningsskjema_nynorsk_aktivpdf%20(3).pdf